Практична примена на ЗДДВ, ЗДД, ЗПДД и изготвување на завршна сметка
Учесници
Учесникот треба да поседува работното искуство и знаење во областа на сметководство или финасии (тестирање заради утврдување на степенот на стручни познавања), или посетено обука: Практично водење на сметководство и примена на даночно законодавство - основен курс.
Временска рамка
Вкупно траење на обуката: 50 часа настава и 20 часа работа
на проекти. Вкупно 70 часа.
Термин: сабота, настава од 10.00 до 16.00 часот (8 дена) и 20 часа
работа на проекти дома, со менторство од Нова консалтинг.
Учи од најдобрите предавачи!
Програма на обуката за сметководство
Евидентирање настани по основ на средства, обврски, приходи, расходи, и капитал, изготвување на завршна пресметка за две пилот фирми.
Врз основа на документи за друштвата со претежна дејност: градежништво и производство: изводи, влезни и излезни фактури, договори, ситуации, сметкопотврди, патни налози, фискални извештаи, патни налози, одлуки од управителот, извештај за попис, и други учесникот изготвува:
- налози за книжење, согласно критериумите за презентирање и мерење на средства, обврски, приходи и расходи по МСС и МСФИ;
- пресметка на ДДВ;
- пресметување и евидентирање на задржан данок на приход платен на странски правни лица;
- пресметка на персонален данок по разни основи;
- усогласување на фактичката состојба по попис со сметководствената евиденција;
- пресметка на курсни разлики;
- пресметка на амортизација;
- временски разграничувања и долгорочни резервирања;
- усогласување на аналитичката евиденција со главна книга;
- контрола на салдата на средства, обврски, приходи, расходи и капитал;
- затварање на класа 4 и 7, утврдување и распоредување на резултатот од работењето - добивка пред оданочување;
- утврдување основа за пресметување на данок на добивка (непризнаените расходи и помалку искажаните приходи);
- утврдување добивка за тековната година;
- изготвување Извештај за финансиска состојба (Биланс на состоба), Извештај за добивка или загуба (Биланс на успех), Извештај за останата сеопфатна добивка;
- Изготвување обрасци до надлежни институции (ДБ, ДБ-ВП, ПДД-ГИ, ДД-ИД).
Обработени теми поврзани со законот за Данок на додадена вредност
- Даночен третман на репрезентативни давања;
- Даночен третман на попусти и продажба по пониски цени;
- Даночен аспект на резултатите по пописот;
- Пополнување на поле 27 од ДДВ пријавата;
- Даночни износи кои се должат според челн 32 точка 2 и 4 од Законот;
- Книжни одобренија (член 22);
- Примени и дадени аванси;
- Исправка на одбивката од предходните даноци;
- Специфичност на оданоченување на услугите од странски правни лица;
- Кусок/вишок при влез на стоки во магацин, други теми поврзани со ДДВ;
- Право на одбивка на претходниот данок содржан во залихата на добрата наменети за натамошна продажба кај даночните обврзници кои прв пат се регистрирани за ДДВ, а кои биле набавени пред нивната регистрација за ДДВ;
- Неовластено истакнат ДДВ; и
- други теми поврзани со ЗДДВ.
Стекнатото знаење од обуката претставува солидна основа за
успешно
работење на
слушателите во: финансискиот сектор на компаниите од бизнис
сферата,
од
државните органи или работа во банка.
Обработени теми поврзани со законот за Данок на добивка
- Евидентирање на трошоци (признаени/непризнаени) по основ на: надоместоци на трошоци и други лични примања од работен однос (дневници, теренски додаток, одвоен живот, надоместоци во случај на смрт, штети, отпремнина, испратнина, регрес, јубилејни награди, боледување, селидби, користење возило), организирана исхрана и превоз, надоместоци на членови на управен и надзорен одбор, репрезентација, донации и спонзорства, камати по кредити, осигурителни премии, казни, пенали, стипендии, отпис и исправка на вредноста и др.,
- Задржувањето на данок по основ на приходи од: дивидени, камати, авторски права, забавни и спортски активности, од вршењето на менаџмент, консалтинг, финансиски услуги, услуги на истражување, телекомуникациски услуги, осигурителни премии за осигурување или реоси-осигурување, закуп на недвижности,
- Пресметување на данок од добивка на исплатена дивиденда,
- Годишен данок на вкупен приход.
Обработени теми поврзани со законот за Данок на личен доход
Трошоци за правното лице/приходи за физичкото лице по основ на:
- договори за дело, стипендии, донации, лекување;
- хотелски сметки;
- членство во органи на управување;
- издавање под закуп на движен и недвижен имот и др.
Агенда по денови
- Ден 1 Данок на личен доход
- Ден 2 Данок на добивка
- Ден 3 Данок на добивка
- Ден 4 Данок на додадена вредност
- Ден 5 и 6 Изготвување на завршна пресметка на пилот фирма - градежништво
- Ден 7 и 8 Изготвување на завршна пресметка на пилот фирма – производство (или трговија на мало)
Очекувани резултати
По завршување на обуката учесникот треба:
- да ги применува законски прописи и професионална регулатива: ЗДДВ, ЗДД, ЗПД, МСС, МСФИ, МСФИ за МСЕ;
- да дефинира и објаснува поими од областа на сметководството;
- да ги разбира сметководствените настани;
- да разликува видови трошоци, приходи и расходи;
- да поврзува конкретен проблем;
- да ги применува сметките од аналитички сметковен план;
- да го дефинира поимот приходи/расходи според МСС;
- да ги идентификува, поврзува и групира дадените приходни и расходни сметки;
- да го утврдува резултатот од работењето (искажува добивка или загуба);
- да ги утврди непризнаени расходи (оданочиви расходи и помалку искажани приходи, расходи и помалку искажани приходи од поврзани лица)
- да составува Биланс на успех;
- да ги примени знаењата за изработка на биланс на состојба;
- да ги подредува билансните позиции според законска регулатива;
- да го прикаже капиталот;
- да има стекнато способности за логично размислување, решавање на проблеми, анализирање финансиски извештаи и донесување на заклучоци;
- практично да ги применува стекнатите знаења и способности;
- самостојно да изготвува финансиски извештаи.
Програмска подршка, опрема и материјал за обуката
Предавањата се одвиваат во опремена просторија со модерна технологија, практична работа на индивидуален компјутер со користење на софтвер за финансово и материјално сметководство.
Се изработуваат
тестови, задачи и проекти за утврдување на стекнатите знаења.
Сертификат
- Секој учесник кој успешно ќе ја заврши обуката ќе се стекне со Сертификат за посетена обука за практична примена на законите за ДДВ, ДД и ЛД и изотвување на завршна сметка - државно признат сертификат.
Пријавување
- Секој учесник треба да достави ПРИЈАВА ЗА ОБУКА.
Цена
36.000 денари
Плаќање на две (2) месечни рати.
Цената вклучува
- СОФТВЕР за финансово и материјално работење со лиценца од една година инсталиран на ваш медиум (usb, лап топ),
- ПРИРАЧНИЦИ за законите за Данок на добивка, Данок на додадена вредност и Личен доход,
- НАСТАВЕН МАТЕРИЈАЛ.
КОНТАКТ ТЕЛЕФОН ЗА ПОВЕЌЕ ИНФОРМАЦИИ: 078 383 053 / 02 3 22 00 54
Податоци за плаќање:
Примач: Нова Консалтинг.
Сметка: 3 0000000 2463254 Комерцијална банка.
Цел на дознака: ПО ФАКТУРА
Термини за обуки
- 29.03.2025
Информации за предавачот
|
Ние успеавме да докажеме како практичната едукација може да биде почеток на професионална кариера!
